Stuur vir my jou Covid-storie!

Ek is besig met ‘n dagboek van soorte. Ons beleef ‘n unieke tyd en ons moet dit oordra aan dié wat na ons kom – op ‘n lekker manier. Feite is mos snaakser as fiksie. Nou soek ek almal se stories: die komiese dinge (waar jy bv. kanse gevat het), die gevare wat jy teëgekom het (toe jy bv. voorgekeer is) en die hartseer dinge (toe jy nie van jou geliefde kon afskeid neem nie). Dit kan ook iets wees wat met ‘n vriend of familielid gebeur het.

Daar is net een vereiste: dit moet die waarheid wees.

Die datum moet (verkieslik) by wees.

As ek jou storie gebruik (anoniem, of ‘n skuilnaam), kom jou naam in die dankielysie. (Laat weet as jy dit nie verkies nie.)

Moenie worry oor mooiskrywery nie – jy soek nie punte vir ‘n opstel nie. Net die gebeure en/of jou ervaring daarvan. Al is net ‘n paragraaf. Ek verwerk dit self tot ‘n storie – of deel van ‘n storie. Stuur dit na susan@fxit.co.za.

Kan nie wag om van jou te hoor nie!

Hoe LEER jy kinders (in hierdie tyd) om God te ken?

Die media wemel van die noodkrete van ingeperkte ouers: “Help! Hoe léér ek my kind?Klik hier

Nie net die ouers nie, maar ook die kerk sit met dieselfde dilemma: Wat, in hemelsnaam, doen ons nou met kinderbediening? Vir grootmense werk virtuele dienste, maar hoe werk onderrig aan kinders – sonder dialoog; sonder enige vorm van terugvoer?

TOT REDELIK ONLANGS was monoloog-lering algemeen: Een persoon praat en die groep luister – met min of geen interaksie. Dis hoe ek die Sondagskool onthou.

Die enigste voordeel van hierdie leerstyl is dat die kinders stil is (ons het doodstil gesit en luister) en die grootste nadeel is dat dit waarskynlik die oneffektiefste metode is.

SO, WAT NÓÚ? Waar kry ons ʼn METODE wat die Woord vir die kind van vandag ontsluit? Die ANTWOORD lê by die kind. By hóé hy leer.

Selfleer (outodidaktiek) word van speenoud tot stokoud beoefen. Dit sluit in: leer deur ervaring, ontdekking, waarneming, aktiwiteite (spel), voorbeeld en stories. En ja, dit kan uiters doeltreffend deur die kerk aangewend word.

Dis juis dié beginsels wat in die FXit lesreekse geïnkorporeer is. En om dit maklik te maak vir enige groep of huiskerk, is alles as e-boeke beskikbaar.

Volledige katalogus en bestelvorm (ook gratis VOORBEELDE) by www.fxit.co.za. (Die webwerf is beveilig met SSL registrasie om die gebruiker te beskerm.)

Kontak info@fxit.co.za vir navrae.

DIE KERK MOET TIENERS #ENTERTAIN (sê ek)

“Ag hemel nee,” sug iemand toe hy dit hoor, “die kerk moet dan juis die tiener by die Woord uitbring.”

Kom ons probeer dan albei gelyk, stel ek voor. Ons help hierdie hashtag-geslag om die #Bybel as #relevant vir die 21ste eeu te ervaar terwyl almal dit geniet. Soos in chill en word stil en neem al die donker uitdagings van die tienertyd na die Lig.

Entertain tieners

So vind “toevallige leer” plaas. Hulle leer, maar nie so dat hulle dit agterkom nie. Rollespel, humor en variasie in die program is vet pret, wat tieners motiveer om Bybelbeginsels as deel van hulle wêreld te beleef.

Tiener-eie Skrifgefundeerde programme met GRATIS voorbeeldlesse: www.fxit.co.za.

Prys: R160 – R180 vir 20 of meer lesse.

Ingesluit by elke reeks: ʼn CD met ʼn prettige PowerPoint show as motivering of toerusting vir leiers.

Navrae: info@fxit.co.za

(Die webwerf is met SSL registrasie beveilig om die gebruiker te beskerm.)

LEER KAN LEKKER WEES – ook in die kerk

Sug jy as jy ʼn les moet uitwerk of voorberei? Stop die sug en bestel die GRATIS motivering vir aanbieders van gr R tot 6 op www.fxit.co.za. Vul jou besonderhede in by bestelling. Kies die e-boek weergawes en aanvaar die terme. Tik 1 by Motiveringsessie vir aanbieders. Klik by I’m not a robot en stuur.Leer is lekker.png

Lekkerleer: In ʼn vrolike omgewing is die leerproses baie meer doeltreffend. “Toevallige” leer vind spontaan plaas en dit voel nie soos leer nie.

Variasie in die program, rollespel en humor is deel van die FXit-proses om kinders te help om Bybelwaarhede op ʼn aangename manier te internaliseer.

Gratis voorbeelde van meer as 20 lesse: www.fxit.co.za.

Navrae: info@fxit.co.za

(Die webwerf is met SSL registrasie beveilig om die gebruiker te beskerm.)

GRATIS motivering/opleiding vir Kinderbediening

“Ons mense se knieë raak lam, hoe kan ʼn ou hulle motiveer?” So vra ʼn bedroefde jeugdominee. Lam knieë is ʼn algemene tendens wanneer die pad vorentoe vaal en onduidelik is.Motivering

Die antwoord lê in OPLEIDING: ʼn informele en prettige gespreksgeleentheid waar die roete op die snelweg beplan word. Dit sit ook sommer skop in die kop. Want dis mos dáár waar die lamheid begin.

FXit bring hierdie produk GRATIS vir almal wat genoeg energie het om ʼn paar knoppies te druk:

Gaan na www.fxit.co.za. Beweeg na bestellings en vul jou besonderhede in. Kies e-boek weergawes en aanvaar die terme. Tik 1 by Motiveringsessie vir aanbieders. Klik by I’m not a robot en stuur.

(Die webwerf is beveilig met SSL registrasie om die gebruiker te beskerm.)

Kontakbesonderhede: info@fxit.co.za.

Lesse vir Kersfees en vir 2020

As ek reg hoor, soek mense iets nuuts en anders – iets wat die moderne kind op ʼn moderne manier aanspreek. Terselfdertyd moet die produk verbruikersvriendelik wees: maklik om aan te bied en voor te berei.kinders

FXit lesreekse vir graad R tot 11 voldoen aan hierdie kwaliteite. Dit bestaan uit meer as twintig produkte, waarvan vyf in Engels.

Die adventreeks met PowerPoint is op hierdie stadium baie gewild. Dis lewendig en kleurvol en slegs R150 vir die reeks van drie.

Besoek www.fxit.co.za vir meer info en bestelvorm. Of kontak info@fxit.co.za. 

Edutainment werk – ook in die kerk

Om die jeug te entertain met die doel om getalle te trek het al in baie gevalle kerkkultuur geword Dis die grootste tragedie wat jeugbediening wêreldwyd getref het.

fxit 1

Maar geluk by die ongeluk: Dit het mense wat ʼn passie het om die Woord as Goddelike waarheid aan die jeug oor te dra, met ʼn nuwe bril na beter leertegnieke laat kyk.

Lekker-leer is meer effektief. “Joyous states allow us to flourish and to feel well-being. Moments of pleasure may mark learning at its best” (Daniel Goleman in SOCIAL INTELLIGENCE).

Edutainment (educational entertainment) en infotainment het nagenoeg dieselfde doel, naamlik om leerinhoud (feite of boodskap) so oor te dra dat die leerder dit as aangenaam ervaar. Indien reg toegepas, is hierdie metode vir seker meer produktief as die konvensionele verbale oordrag.

Gratis voorbeelde van edutainment vir skool en Sondagskool by www.fxit.co.za.

Volledige Bybelkurrikulum vir Sondagskole en Christenskole

FXit programme is vanuit die praktyk ontwikkel, deur kundiges geëvalueer en kommunikeer geloofswaarhede op die begripsvlak van elke ouderdomsgroep.9.01.19

Die volledige pakket in Afrikaans vir gr R tot 11 is slegs R2 530 – geen addisionele aankope nodig. Prys van handleidings:  R150 tot R160 elk.

Voorbeeldlesse uit elke boek is gratis beskikbaar by http://www.fxit.co.za.

DIS MY STORIE – 6: Skryfseisoene

Wag en hoop… Enige skrywer verstaan hoe dit voel om te wag vir reaksie van die uitgewers nadat jy jou harde werk gepos het (lank gelede, toe die poskantoor gewerk het). Ek het my eerste manuskrip gestuur sonder om vooraf enigsins met NG Kerkuitgewers te kontak. MyStorie 6

“Jou manuskrip is aanvaar, Mevrou, veels geluk. Dis die eerste handleiding vir huisgodsdiens op die mark en ons is opgewonde daaroor. Wat van ʼn opvolg – sien jy kans?”

Die eerste manuskrip is op die tweedehandse tikmasjientjie gedoen wat by Antique Basaars gekoop is. Die tweede een het ek op die kerkkantoor se elektriese masjien gaan tik – Dinsdae en Donderdae wanneer oom Josef nie daar was nie. In ʼn vertrek sonder son, in die winter, op Clocolan in die Vrystaat. Vir seker my koudste skryfseisoen.

Daar kom toe ʼn tyd wat ek nie meer kans sien om manuskripte aan uitgewers te stuur nie. Die eindproduk was nie altyd wat ek in gedagte gehad het nie en die vergoeding ook nie.

Ek begin toe fokus op die opstel van lesmateriaal vir kinder- en jeugbediening, ʼn veld waarop ek en my man deurentyd baie aktief was. Ons hart se punt.

In 1999 nader die Vrystaatse Vrouediens saam met die Sinodale jeugkommissie my met die versoek om lesse vir die destydse Kinderkrans te skryf. Tall order. Hóe tall, sou ek mettertyd uitvind.

Dit het toe nie by Kinderkranslesse gebly nie. Ook nie net in die Vrystaat nie. Daar kom later versoeke vir tienermateriaal en vir ʼn chronologiese weergawe van gebeure uit die Ou Testament vir kleiner kinders. Want “ons kinders ken nie meer die Bybelname en geskiedenis nie”.

Vir meer as sewentien jaar het dit my voltyds besig gehou. Harde werk, maar dubbel en dwars die “moeite” werd. Intussen, vanaf 2004, word die FXit reeks van meer as 20 produkte ook as Sondagskoolmateriaal deur Bybelmedia bemark. Ek het ook versendings na heelwat kerke en gemeentes in die buiteland gestuur.

Mense vra soms of ek dieselfde keuses sou maak as ek my lewe kon oorhê. Dan vra ek watter keuses? Dit het nooit gevoel of ek bewuste keuses maak nie. Ek was maar net die insittende van ʼn voertuig met God aan die stuur. By tye was die uitsig dynserig en dan het genade vir my soos ʼn ramp gelyk. Dis juis daardie “ongemaklike” genade wat my deur al die seisoene van groei op koers kon hou.

As ek op die winterkoue gly wink lente reeds op die kim

seisoene vloei saam

tot ʼn enkele baan

op pad na vreemde bestemmings

Wys die regte pad my aan 

wees U die stem wat my tot omdraai roep as ek my eie koers wil gaan

DIS MY STORIE – 5: Seisoene van groei

Ek kan nie onthou hoe lank ek toe vir my eerste Bybel gespaar het nie, maar was in die sewende hemel toe ek hom kry.MyStorie 5

Gretig begin ek toe lees, vanaf Genesis, elke dag twee hoofstukke. Of ek verstaan wat ek lees, het my nie gepla nie. Om een of ander rede was dit my droom om die Bybel deur te lees. Ek onthou nie wat die rasionaal was nie, en of ek hoegenaamd ʼn logiese verklaring vir hierdie heilige ambisie gehad het nie.

Dit moes my ma beïndruk het. Ek onthou hoe sy eendag gespog het toe ons by tannie Johanna-hulle op Kuilsrivier kuier: “Johanna kan jy glo, die kind het die hele Bybel al twee keer deurgelees.”

Toe het ek dit nie besef nie, maar nou verstaan ek dat dit ook deel van my voorbereiding was. (Ek verstaan ook dat die tremor deel daarvan was, anders het ek nie leer tik nie. Of ʼn wake-up call gekry om te skryf nie.)

Soos die jare aanstap, het ek my Vader beter leer ken. In mooi dae en moeilike dae; in verhoudings met goeie en mindergoeie mense, in die kerk en op straat, in tye van tremor en trauma, ja ook in die huwelik.

Die dag van my mondigwording was ook my troudag. Die kaas-en-wyn onthaal was op my ouers se plaas in die Tradouwvallei in die Barrydale-omgewing. Koos was toe ʼn finalejaar teologiese student en ek werk toe al vier maande lank. Ons moes op my salaris van R128 per maand oorleef, waarvan R30 vir woonstelhuur moes gaan en R40 vir studieskuld.

ʼn Liter melk was 8c. Jy sit die bottel met die blou koepon(s) die vorige aand uit, dan word die melk op jou stoep afgelewer. Die tannie in wie se agterplaas ons blyplekkie was, het ons melk in haar yskas gebêre totdat ons kom.

Toe, eendag… Dit was einde van die maand en ek het salaris gekry. Kon ʼn klompie kruideniers koop. Kom toe met die pakkaas plus die melk wat ek gaan haal het by die kombuisdeur. Met die gesukkel om die deur oop te kry, val ek toe met die melk in die huis! Daar lê die bottel aan skerwe en die melk loop in slootjies in die voue van die vloerplanke.

Ek huil snot en trane oor die 8c se skade. My nuwe man, wat in die kamer gesit en swot het, loer om die deur. Ek verwag dat hy my in sy arms neem en liefderyk troos (dis tog wat op die flieks gebeur). Maar hy verdwyn en toe ek weer sien, mik hy na my met sy kamera! My droefheid het vir hom in so ʼn mate geamuseer dat hy die oomblik moes vaslê. Red nou ʼn huwelik. Vir daai foto het ons en ons kinders al baie gelag

Ek dink dat ons lewe saam in die bediening seker my belangrikste seisoen van voorbereiding was. My man was nie net my beste pêl nie, maar ook die een wat my gehelp het om lief te word vir die Bybel en om dieper te delf.