HELP! skree die tiener se pa

 

Op ʼn forum vir ouergesprekke lees ek hierdie hulpkreet van ʼn pa. Wat sou jy doen as jy in sy skoene was:

So, my wife and my 15-year-old daughter battle. And I get caught in the middle. tiener 1

She is a good kid. She doesn’t drink, smoke or get in trouble. My wife is a good mom. She was a GREAT Mom when my daughter was younger, but now that my daughter has a mind of her own, things have gone off the rails!

My wife wants my support. But a lot of the time, I don’t agree with her. I think she needs to give our 15-year-old some space. Stop tracking her phone. Stop going into her room so much. Tell her that she had five more minutes to finish the conversation rather than just demanding her phone. Stop making comments about her weight and eating habits. These are all triggers to fights.

Sometimes their fight escalates and I have to get involved and then they are both yelling at me!

What am I to do? HELP!

Hoe algemeen is ‘n scenario soortgelyk aan die een? Watter raad het jy vir die moedelose man?

Hou hierdie spasie dop. Oor ‘n week of twee begin soek ons na oplossings.

Advertisements

GRATIS vir 12 dae: Lesse vir kleuterkerk, kleuterskool en Sondagskool

3 KleutersFXit bied vir die eerste keer ʼn gratis lesbundel aan in die vorm van ʼn e-boek: Lesse wat Leef se Kleuterreeks, met 25 aktiwiteitslesse.

Sketse en hulpmiddels is ingesluit, asook wenke vir dinamiese kleuterbediening.

Stuur net die woord “Kleuterlesse” na info@fxit.co.za en ons sal jou kontak.

Die aanbod geld slegs vanaf 7 tot 19 Maart.

My lewe het radikaal verander

na ligIn Japan het ek in ‘n huis grootgeword waar my ouers pal baklei en gestry het. My pa was baie afwesig en ek het nooit regtig tuis gevoel nie; ek wou nie by die huis wees nie. Daarom het ek allerhande verkeerde goed begin aanvang; onder andere die leier van ‘n bike band geword.

As aktiewe ateïs is ek in my vroeë twintigs Parys toe, sommer om weg te kom. In die sewe jaar wat ek daar gebly het, het ek ʼn klein inkomste uit kuns (teken en skilder) verdien. Maar my lewe het al hoe meer begin uitrafel.

Ek het dwelms begin verkoop en begin rondslaap – op ‘n stadium was ek met vier vrouens gelyktydig in verhoudings. Een van hulle word toe swanger. Ek het haar verwerp; gesê sy moet ʼn aborsie te kry.

In daardie tyd het ‘n kunstenaarvriend van my, ‘ʼn Christen, my kerk toe genooi. Ek sê toe nee, ek soek nie daai tipe venues nie. “Dis ok,” sê hy toe, “kom dan maar net vir die kos, dis baie lekker en dis verniet.”

My meisie wou graag gaan. Miskien het sy geselskap gesoek as gevolg van die swangerskap en die hangende aborsie.

Wel, toe gaan ons. Om een of ander rede het ons toe weer en weer gegaan. Ek kon met mense begin gesels oor die seer en die baie vrae in my hart. Deur verhoudings en gesprekke het die Here my hart begin verander. Uiteindelik het ek my lewe aan Hom oorgegee, en kon ek ook vir my meisie vra om nie die baba te aborteer nie. My lewe het handomkeer verander. Ons (enigste) dogter is gebore en ons is getroud. Parys sal altyd die plek wees waar ons die mees radikale omkeer en oorgawe van ons lewe gemaak het!

Dit is die storie wat ʼn kollega van Stephan van der Watt van die RCJ (Reformed Church of Japan) met hom gedeel het. Stephan skryf dat hierdie man al meer as 20 jaar lank ‘n gerespekteerde leraar en leier in die RCJ is:

“Hy lei vandag ‘n unieke, kreatiewe bedieningsnetwerk (genaamd IBUKI) wat onder andere kuns in en deur die kerk (én interkerklik) bevorder. Hy lewer ‘n waardevolle bydrae op ‘n manier wat niemand anders ooit sou kon doen nie. Sy hart klop sterk vir gebrokenes en randfigure, want hy weet hoe diep die Here hòm uit die put getrek het.”

God gebruik mense vír mense…

Toe leer die ryk vent iets van armoede

“Ou seun, ek en jy gaan hierdie vakansie na ʼn plek waar jy nog nooit was nie. Ek wil jou iets leer.”

Die pa was stinkryk en hy wou sy seun gaan wys hoe mense leef wat baie arm is. Hulle gaan toe vir ‘n week op ʼn plaas in Lesotho kuier waar die mense baie eenvoudig leef.

Op pad terug vra die pa: “En toe, hoe voel jy oor die week wat verby is?”ryk

“Die lekkerste vakansie wat ek nog gehad het, dankie Pa. Die mense lag so baie en hulle doen die coolste goed. Het Pa gesien hulle het viér honde en ons het net een?”

“Ja, maar het jy gesien hulle leef darem anders as ons?”

“Jip. Ons het ‘n swembad wat tot in die middel van ons tuin kom, maar hulle sʼn is ʼn moewiese dam waarin daar glad eende ook swem. Ons tuin het ʼn muur om en hulle tuin gaan so ver as wat jy kan sien. Ons koop ons kos by winkels, maar hulle gaan haal hulle sʼn sommer in die tuin. En het Pa gesien waar kom hulle melk vandaan? Amaaazing!”

Die pa se wind was uit sy seile. Nog meer toe hy sy seun se opregte dankie hoor: “Dankie dat Pa my gaan wys het hoe arm ons is.”

Kinders ontdek ware rykdom in die Woord alleen. Praktiese hulpmiddels by www.fxit.co.za.

 

 

Kerk: Moenie SONA uitstel

SONADie kerk moet bykom. Die kerk moet na ons luister. Die kerk moet ons behoeftes aanspreek.

Dis die jeug wat so praat. Hulle vra Sien Ons Nood Asseblief. Miskien is hierdie SONA kreet te “sag”? Of is geestelike leiers en jeugwerkers se opvangs nie op die regte golflengte nie?

Die jeug se begeertes (dit wat hulle “soek”) is sterker as hulle behoeftes (dit wat hulle nodig het). Hulle Nood kan dus misgekyk word – deur hulleself en deur opvoeders of mentors.

Begeertes is gewoonlik impulsief en selfsugtig. Om dit aan te spreek kan ‘n short term fix wees, terwyl behoeftes eintlik diep gewortel is en moeilik om te ontleed of aan te spreek.

Dikwels is jeugwerkers gewoon nie gewillig of toegerus om te onderskei tussen behoeftes en begeertes nie. Dis maklik om op die begeertes te fokus en só ‘n kleurvolle en cool “godsdiens” te skep wat die skares lok, maar sonder diepte en Waarheid.

God het die mens as sy beeld gemaak en daarom is dit elke mens se diepste behoefte om Hom te leer ken. “God het hulle gemaak om Hom te soek, al sou hulle ook moes rondtas om Hom te kry” (Han 17:27).

‘n Nuwe president is nie die grootste behoefte in hierdie land nie. Maar ‘n nuwe benadering tot jeugbediening kan ‘n groter verskil as enige staatshoof maak…

Hulpmiddels vir jeugbediening www.fxit.co.za.

NUUT: Motivering/toerusting vir Sondagskoolleiers

“Wil julle nie ‘n bietjie met ons Sondagskoolleiers kom gesels nie? Die klomp het minder  spoed as ‘n kaskar teen ‘n opdraand. Hulle kla dat hulle idees opraak. Dis asof die kinders dink die lesse is boring. Party sit met vier in ‘n klas waar daar elf behoort te wees. ”

Na ‘n paar hulpkrete soos dié is daar by FXit besluit om leierstoerusting by elke programreeks in te sluit. Dis waarom elke produk vir graad 7 tot 12 ‘n motiveringsessie op PowerPoint bevat. Toe wil die juniors se leiers weet waarom hulle dan afgeskeep word.

FXit het dus so pas ‘n nuwe e-produk begin bemark: ‘n aangename, informele PowerPoint ervaring vir aanbieders van gr R tot 6 teen slegs R150.

Dis gelys as Motiveringsessie vir Aanbieders onder BESTELLING/ORDER by www.fxit.co.za. Bestellings van e-produkte word binne 24 uur uitgevoer.

Nuwe Energie in die Sondagskool

“Ons jeugwerker is in haar noppies en het ‘n huppel in haar stap. Daar is vanjaar ‘n Foto 2nuwe opgewondenheid onder die kinders. Skielik woel die aanbieders vroeër in die oggende om hul materiaal en aktiwiteitsdinge uit te pak en mooi te maak.

“Graad 8 se juffrou sê dat sy self elke week iets leer. Die ou by graad 9 vertel my dat hy verlede jaar so gesukkel het om die klastyd om te kry, maar nou moet hy woel om betyds klaar te kry, want die kinders wil net praat.”

So skryf Elna van der Walt van Bloemfontein so ‘n jaar of wat gelede. (Kry haar kontakbesonderhede via info@fxit.co.za.)

Dit laat ‘n mens mos nou wonder hoe die ideale jeugbediening behoort te lyk.

Moet dit leeraktiwiteite bevat wat elkeen betrokke laat voel? Moet dit so lekker wees dat hulle uitsien na die volgende keer? Moet hulle vir God (beter) leer ken? Moet die Bybelwaarhede so aangebied word dat hulle dit deel van hul leefwêreld kan maak? Moes dit al lank genoeg in die praktyk getoets wees? Moet dit deur kundiges ondersteun en geëvalueer wees?

Wie wil waag om te antwoord?

By www.fxit.co.za sal jy twee nuwe produkte by die Afrikaanse programme sien: ‘n kortreeks van ses vir die kinderkerk en ‘n lekker informele motiveringsessie op PowerPoint vir aanbieders van gr R tot 6.